Жеке маалыматтар тууралуу Кыргыз Республикасынын мыйзамы

Бул мыйзам, жеке маалыматтарды чогултуу, иштеп чыгуу жана пайдалануу менен байланышкан адамдын жана жарандын укуктарын жана эркиндиктерин коргоону камсыз кылуу максатында, Кыргыз Республикасынын Конституциясына жана мыйзамдарына ылайык, жалпы кабыл алынган эл аралык принциптердин жана ченемдердин негизинде жеке маалыматтар менен иштөөнү укуктук жөнгө салууга багытталган.

Электрондук кол тамгалар тууралуу Кыргыз Республикасынын мыйзамы

Бул мыйзам жарандык бүтүмдөрдө, мамлекеттик жана муниципалдык кызматтарды көрсөтүүдө, мамлекеттик жана муниципалдык функцияларды аткарууда, ошондой эле юридикалык жактан маанилүү иш-аракеттерди жасоодо электрондук кол тамгаларды колдонууну жөнгө салат.

Электрондук башкаруу тууралуу Кыргыз Республикасынын мыйзамы

Бул мыйзам мамлекеттик жана муниципалдык кызматтарды электрондук түрдө көрсөтүү, электрондук башкаруунун мамлекеттик инфраструктурасын пайдалануу, электрондук башкарууну башка чөйрөлөрдө ишке ашыруу мамилелерине жайылтылат.