Жеке маалыматтар менен иштөө принциби

Жеке маалыматтар Кыргыз Республикасынын “Жеке мүнөздөгү маалыматтар жөнүндө”  Мыйзамына ылайык алынышы жана иштелип чыгышы керек.

Жеке маалыматтарды топтоочу (ээси) жана аларды иштеп чыгуучу жеке маалыматтарды санкцияланбаган кирүүдөн, бөгөттөөдөн, башка бирөөлөргө бербөөдөн, ошондой эле аларды кокусунан же уруксатсыз жок кылуудан, өзгөртүүдөн же жоготуудан сактоого милдеттүү (Кыргыз Республикасынын “Жеке мүнөздөгү маалыматтар жөнүндө”  Мыйзамынын 4-беренесин караңыз).

Жеке маалыматтар менен иштөөнүн укуктук негиздери

Жеке маалыматтар менен иштөө жеке маалыматтар массивининкармоочусу (ээси) тарабынан төмөнкү учурларда гана жүзөгө ашырылышы мүмкүн (Жеке маалыматтар жөнүндө Кыргыз Республикасынын Мыйзамынын 5-беренесин караңыз):

• эгерде жеке маалымат субъекти анын маалыматтарын иштеп чыгууга макулдугун берсе;
• эгерде бул маалыматтар мамлекеттик органдардын Кыргыз Республикасынын мыйзамында белгиленген компетенциясын аткаруусу үчүн зарыл болсо;
• эгерде жеке маалымат топтоочулардын (ээлеринин) мыйзамдуу кызыкчылыктарына жетишүү үчүн керек болсо жана бул кызыкчылыктарды ишке ашыруу жеке маалымат субъекттеринин маалыматтарын иштетүүгө байланыштуу укуктарын жана эркиндиктерин жүзөгө ашырууга тоскоолдук кылбаса;
• жеке маалыматтар субъектисинин кызыкчылыктарын коргоо зарылдыгы болгондо;
• эгер жеке маалыматтар менен иштөө бир гана журналистика максатында жүргүзүлсө, анда мындай иш-аракеттер жеке маалыматтардын субъектиси менен макулдашылса.